Урматтуу мекендештерим!

Кадырман карыялар! Ак элечек апалар!

Сиздерди Эл аралык карылар күнү менен чын жүрөгүмдөн куттуктайм!

«Карысы бардын ырысы бар», «Карынын сөзүн капка сал» деп кыргызда илгертен бери кары адамдарды терең урматтап, аларга аяр мамиле жасап келишкен.

Улуу адамдарга ким сый-урмат көрсөтсө, ал сөзсүз кийин кайтат. Карынын батасын алган адам эч качан кор болбойт эмеспи. Карыны сыйласаң абийир табасың деп бекеринен айтылбаса керек.

Сиздерге бекем ден соолук, дөөлөттүү карылык, уул-кыздардын жана коомчулуктун сый-урмат көрүңүздөр.

Дагы бир жолу майрамыңыздар менен кадырлуу карылар! Терең урматтоо менен Нурлан Чериков!