Түп райондук сотунда коррупциянын алдын алуу, мамлекеттик кызматкерлердин кесиптик этикасын чыңдоо жана мыйзамдуулукту камсыз кылуу багытында түшүндүрүү иш-чарасы өткөрүлдү.

Иш-чаранын жүрүшүндө коррупцияга каршы мыйзамдардын талаптары, мамлекеттик кызматкерлердин жүрүм-турум этикасынын нормалары, кызыкчылыктардын кагылышын алдын алуу жана кызматтык милдеттерди ак ниет жана ачык-айкын аткаруунун мааниси тууралуу кеңири маалымат берилди.

Ошондой эле коррупциялык укук бузуулардын алдын алуу боюнча жүргүзүлүп жаткан иштер, сот тутумундагы ачык-айкындуулукту жогорулатуу жана жарандардын сот адилеттигине болгон ишенимин бекемдөө маселелери талкууланды. Катышуучулар өздөрүн кызыктырган суроолорун берип, тиешелүү жоопторду алышты.

Иш-чаранын жыйынтыгында коррупцияга каршы күрөшүү ар бир мамлекеттик кызматкердин жоопкерчилиги экендиги белгиленип, мыйзамдуулукту сактоо, кызматтык этиканы бекем кармануу жана коррупциялык көрүнүштөргө жол бербөө боюнча сунуштар айтылды.

Түп райондук соту мындан ары да коррупциянын алдын алууга, мыйзамдуулукту чыңдоого жана сот адилеттигинин ачык-айкындуулугун камсыз кылууга багытталган иш-чараларды туруктуу негизде өткөрүүнү улантат.