2026-жылдын 16-май күнү өткөрүлгөн жалпы республикалык ишембиликтин алкагында Ысык-Көл облусунун сот тутумунун өкүлдөрү активдүү катышышты. Аталган иш-чарага облустук соттун, ошондой эле жергиликтүү соттордун судьялары жана аппарат кызматкерлери чыгышып, айлана-чөйрөнү тазалоо жана көрктөндүрүү иштерин жүргүзүштү.

Ишембиликтин жүрүшүндө сот имараттарынын айланасы тазаланып, бак-дарактар иретке келтирилип, таштандылар чыгарылды. Мындан тышкары, жашыл аймактарды көрктөндүрүү жана санитардык абалды жакшыртуу боюнча иштер аткарылды.

Мындай иш-чаралар айлана-чөйрөгө аяр мамиле кылууга, коомдук тазалыкты сактоого жана жамааттык ынтымакты бекемдөөгө өбөлгө түзөт.

Сот тутуму коомдук пайдалуу демилгелерди мындан ары да колдоп, экологиялык маданиятты өнүктүрүүгө өз салымын кошо берет.