Урматтуу айымдар!

Жаздын жаркын майрамы – 8-март Эл аралык айымдар күнү менен чын жүрөктөн куттуктайм!

Аялзаты – үй-бүлөнүн куту, коомдун тиреги, мамлекеттин келечегин тарбиялаган улуу күч. Сиздердин мээримиңиздер, сабырдуулугуңуздар жана ак эмгегиңиздер менен коомубуз бекемделип, жашообуз нурга бөлөнүп турат. Кайсы тармакта болбосун – билим берүүдө, саламаттык сактоодо, мамлекеттик кызматта, ишкерликте жана маданиятта – сиздердин ордуңуздар өзгөчө.

Бүгүнкү майрам – сиздерге болгон терең урмат-сыйдын, ыраазычылыктын белгиси. Коомдун өнүгүшүнө кошкон салымыңыздар, үй-бүлөдөгү акылмандыгыңыздар жана тарбияңыздар үчүн терең ыраазычылык билдирем.

Сиздерге бекем ден соолук, узун өмүр, бакыт-таалай, үй-бүлөлүк ынтымак жана ишиңиздерге ийгиликтерди каалайм. Ар бир күнүңүздөр кубанычка жана жылуулукка толсун!

Майрамыңыздар кут болсун!

Урматтоо менен,

Асанбаев Нуркалый Жумабекович