Кыргыз Республикасынын Жогорку соту тарабынан уюштурулган “Манастын руху — улуттук дем жана улуттук нарк” аттуу балдар арасындагы сүрөт сынагынын жыйынтыгында байгелүү орунга ээ болгон катышуучуну сыйлоо аземи Ысык-Көл областтык сотунда өткөрүлдү.

Сынактын жыйынтыгы менен Ак-Суу райондук сотунун кызматкеринин кызы, 5 жаштагы Раяна Сатындыева жеңүүчү деп табылды. Жеңүүчүнү Ысык-Көл областтык сотунун төрагасы Нуркалый Асанбаев куттуктап, жаш таланттын чыгармачылык жөндөмүн өнүктүрүүдө мындай маданий иш-чаралардын маанилүү экендигин белгиледи. Ошондой эле Кыргыз Республикасынын Жогорку соту тарабынан берилген сыйлык тапшырылды.

Белгилей кетсек, сынакка 14 жашка чейинки сот тутумунун кызматкерлеринин балдары катышты. Ысык-Көл областтык сотунун, шаардык жана райондук соттордун судьяларынын жана аппарат кызматкерлеринин балдары тарабынан 20дан ашык сүрөт иштери сунушталган.

Сынактын жобосуна ылайык, Ысык-Көл областтык сотунун сынак комиссиясынын чечими менен Раяна Сатындыева тарткан сүрөт эң мыкты деп табылып, Кыргыз Республикасынын Жогорку сотуна жиберилген.

Ысык-Көл областтык сотунун

басма сөз катчысы                                                                          А.Таалайбек кызы