Жыл сайын 1 июнь күнү бүткүл дүйнөдө  Балдарды коргоонун эл аралык күнү майрамдалып келет. Бул күнү  өлкөдө бардык балдар жашоого жана бактылуу балалыкка укуктуу экенин  эске салган майрам.

Ар жылы  Ысык-Көл облусунун судьялары Балдарды коргоонун эл аралык күнүнө арналган кайрымдуулук акцияларына катышып, мүмкүнчүлүгү чектелген, ата-энесиз балдарга жана аз камсыз үй-бүлөлөргө материалдык жардам көрсөтүп келишет.

Бул майрам күнү Каракол шаардык соту жана Ысык-Көл облусунун Административдик сотунун судьялары Каракол шаарынын тургуну аз камсыз, 8 балалуу Чынара аттуу баатыр эненин балдарын майрамы менен куттуктап белектерди тапшырып акчалай жардам көрсөтүштү.

Судьялар Чынара айымдын үй-бүлөсүнө бекем ден соолук, балдарына бактылуу балалык, жаркын келечек каалап, таттууларды, оюнчуктарды жана окуу куралдары менен бирге материалдык жардам көрсөтүштү.

Мындан тышкары Ысык-Көл райондук сотунун төрагасы Кайрат Батыралиев, райондук сотунун судьяларынын жана аппарат кызматкерлеринин атынан Ысык-Көл районунун Чолпон-Ата шаарындагы жалгыз бой, коп балалуу, турмуш шарттары оор эки үй-бүлөлөргө барып, азык-түлүктөрдү татууларды жана акчалай жардам көрсөтүшүп майрамы менен куттукташты!

Баатыр энелер судьялардын балдарга болгон жардамы жана көңүл үчүн терең ыраазычылыгын билдирип, иштерине ийгиликтерди каалады.

Ысык-Көл областтык сотунун басма сөз катчысы                            А.А.Абдымаликова